Kantine

Hagellia Matstove driv kantine for dei tilsette i Dampen, men kantina er open for alle. Me serverer ein varmrett kvar dag i tillegg til eit rikhaldig salatbord. Fredag er fast fleskepannekakedag! Elles kan varmretten bestå av for eksempel suppe, pizza, omelett, pytt i panne og liknande. Kvar onsdag serverer me raspeballar med salt fårekjøt, korv, bacon, gulrot og kålrot.

Catering

Rundstykker med assortert pålegg

Snittar med reker, eggerøre med laks, roastbiff, skinke og steik

Koldtbord med og utan varmrett

Gryterettar med ris, salat og brød

Supper

Heimelaga pizza

Heimelaga lasagne

Tapas

Selskap og arrangement

Hagellia Matstove har lokale der ein kan dekka for opp til 80 personar. Det er likevel ikkje problem å dekka for 20 personar utan at ein «druknar». Her kan du halda alt frå barnedåp til minnestund etter gravferd. Me kan by på servering frå ein rikhaldig meny. Du kan få menyforslag, eller du kan setja saman dine eigne ynskjer. Skal du ha frukostmøte, personalsamling eller informasjonsmøte: Ta kontakt for pristilbod. Lokala er veleigna for lag og organisasjonar som arrangerar medlemsmøte/temakveld, med eller utan servering.

Møter og foredrag

Me disponerar eit auditorium med 70 sitjeplassar, med stort lerret på veggen. For mindre gruppar har me tre andre møterom i ulike størrelsar. Alle møterom har AV-utstyr, med kablar og overganger til eiga utstyr. I samband med bruk av møteromma kan me tilby servering av både kaffe, frukt, mat og drikke. Møteromma kan leigast både på dag- og kveldstid.